Mottolied 2014/2015 "Weia Oweia"

 Mottolied 2014/2015 „Weia Oweia

 

Weia, oweia oweia. Weia oweia oweia

Weia, oweia oweia. Weia oweia oweia

1.     Mer jraven hück et Kreechsbeil us

Dä Häuptling schlaue Fuchs sät: „Hugh jetz es Schluß“.

Dä wiße Mann will unser Land

Dröm nemme mir dä Tomahawk en de Hand.

Mer danze öm dä Marterpfahl

D´r Mond es hell, vum Hüjel hült d´r Schakal.

D´r Kreechsrot schwan un rauch de Pief

vum Feuerwasser sind de Junge ald stief.

 

Refrain:

Weia, oweia oweia. Weia oweia oweia

Weia, oweia oweia. Weia oweia oweia

Heja heeja, heja, heeja,

heja heeja, heja, heeja.


2.     Am Morje dann beim eetste Leech

Kütt ohne Skalp dat Oberbleichjeseech.

„Ich immer Freund von rote Mann

ich hab Vertrag für euch komm guck an“.

Die kleine Wigwams, die blieven ston

en Wigwams us Beton brucht ihr net zu jon.

Bei mingen skalp un Manitu

en ürem Reservat do bliev alles su.

 

Refrain:

Weia, oweia oweia. Weia oweia oweia

Weia, oweia oweia. Weia oweia oweia

Heja heeja, heja, heeja,

heja heeja, heja, heeja.


3.     Dä Schlaue Fuchs sät: „Setz dich hin,

mer jraven jetz zoeesch et Kreechsbeil en

un rauche dann die Friedenspief

doch denk dadran, dat Beil dat litt nit ärch deef!“

Jetz weed jedanz un och jelaach,

bis dat die Botz vom Indianer kraach.

Der Medizinmann es ad mööd,

un luurt us senge Auge janz schön blöd.

 

Refrain:

Weia, oweia oweia. Weia oweia oweia

Weia, oweia oweia. Weia oweia oweia

Heja heeja, heja, heeja,

heja heeja, heja, heeja.

 

4.     Mer danzten hück all öm de Trumm

der Häuptling es ad stief vom danze janz krumm,

su mancher Stamm der wor hück do

dat Feuerwasser dat wor jot, es doch klor.

Mer freuen uns op die Session,

ze fiere mit nem Häuptling oder nem Clown.

Dat Ordensfess es jetz am Engk

die Squaw den Krieger jetz nach Hause bringk.

 

Refrain:

Weia, oweia oweia. Weia oweia oweia

Weia, oweia oweia. Weia oweia oweia

Heja heeja, heja, heeja,

heja heeja, heja, heeja.


Text: Joachim Ackermann